7. හත් වන කොටස: ඒ දිලිසෙන ඇස්…

හය වන කොටසට:   http://sarasavisamaga.blogspot.com/2014/06/6.html


නම් තැබීම අවසාන වෙද්දී අතුල ගේ කෑම ගැනීමද අවසාන විය.  

අතුල පාඩම් කරන්නේ පුස්තකාලයේ ය. එහෙයින් හැකි ඉක්මනින් නැවත පුස්තකාලය කරා ගොස් පාඩම් කිරීම පටන්ගැනීම ඔහු ගේ අභිප්‍රායයි

දැරියන් හට තදෙන් කතා කර තරවටු කල ඔහු ෆයිල් කවර වල ඉබි වල එක එක ඉබ්බිය ගේ නම ලියා, ඉබි වල ලෙස ලිපිනය සඳහන් කරනා ලෙස පවසා මින් පසු ඔවුන් ඉබි වලේ සාමාජිකයන් බව අමතක නොකරන්නැයි දන්වා, දේවින්ද ගෙන් සමු ගෙන යන්නට ගියේය.

දැන් මේ දැරියන් ටික දේවින්ද ගේ තනි වගකීමකි.

දැරියන් ටික පරිස්සම් කිරීමත් පාඩම් කිරීමත් දෙකම එක වෙලේ කල හැකි දේවල් නොවේ.  ඇස ගසන පරක්කුවෙන් දැරියන් ටික වෙන උකුස්සෙකු විසින් ඩැහැ ගැනීමේ ප්‍රවනතාවක් පවතී.

හා දැන් මෛත්‍රී භාවනාව පටන් ගනින්.. ජේස්ට උත්තමයා ගේ හඩ නැවත ඇසේ.

දැරියන් භාවනා කරන කල දෙවින්දට  හට ඔහුගේ වැඩක් කර ගත හැකිය.

තාරුකා කොහොමත්  සිටියේ බිම බලාගෙනය. චුට්ටක් වෙලා හිත  එක්තැන් කරගෙන විනාඩි කිහිපයකට පෙර තමා ට දුක් දුන් හිරිකිතයාට මෛත්‍රී කිරීම ඇරඹුවාය. එවන් පිළිකුල් සහගත කතා කියනා කබරයෙකුට වැඩි වෙලා මෛත්‍රී කල නොහැකි බව තාරුකා  තේරුම්ගත්තාය.

නැවත තම සිත පොල් පැලය පැත්තටම  ගමන් කරනා බව ඇයට තේරුණි.

විපතට පත් ගෑනු ළමුන් බේරාගෙන ඔවුන්ට  කුණුහරුප හෝ පිළිකුල් සහගත කතා  නොකියන ජෙෂ්ට උත්තමයා ගැන තාරුකා ගේ සිතේ පහල වූයේ අමුතුම හැගීමකි.

සති අන්තයට ගෙදර ගිය කල අම්මා සහ තාත්තා රැග් එක ගැන විමසනකල ඔවුන් ව පුදුමකිරීමට මේ කතාව ම ඇතිය.

මට එයාගේ මුහුණ ආපහු බලන්න ඕනේ… හදිසියේම තරුකාට සිතුණාය.  අද මගේ හිත “ඔටෝ පයිලට්”  ඒ එක්කම ඇයට සිතුනි.

තම වටේ සිදුවන කිසිම දෙයක් ගණනකට නොගෙන ඔහු තම සටහන් කියවයි.

පුදුම කොල්ලෙක් …..

ජෙෂ්ට  උත්තමයා ගේ මුහුණ දිහා කොපමණ වෙලා බලා සිටියේ දැයි ඇය ට නිච්ච්යක් නැත.

ගෑනු ළමුන් රැලක් ඉදිරියෙන් තබාගෙන සිත එකග කර ගෙන පාඩම් කිරීම අන්තිම අපහසු ක්‍රියාවකි.

“කුතුහලය විසින් බලලා මරා දමනු ලැබීය“යි කියමනක් ඇත.

නුවර කඩේ කෙල්ලන් ගේ භාවානව කෙසේ දැය් සොයා බැලීමේ කුතුහලයක් දේවින්ද  තුල ද මතු වූයේ විනාඩි පහක් වත් ගත වීමට පෙරය.

නරකම නැත, එක දැරියක් හැර සියලු දෙනා බිම බලාගෙන අත් බැඳගෙන ඍජුව ඉඳගෙන භාවනවේය.

භාවනාවේ නොයෙදෙන ගෑනු ළමයා අනිමිසලොචනයේය!

ගෝරනාඩුවක් දමන්නට නිසි වරදකි, එහෙත් ඒ දිලිසෙන ඇස් දේවින්ද දිහා නොව වෙන දිසාවකට යොමු වී තිබුනේ නම්….

දේවින්ද දෙස බලාගෙන් සිටියේ තාරුකා ය. නිතැතින් ම  ඔහු ගේ ඇසි බම දෙකම ඉහල ගියේ නිහඬ ප්‍රශ්නාර්ථ ලකුණක් නංවමිනි.

අවශ්‍ය වුයේ නම් එක්වරම ඈගේ නෙත් දේවින්ද වෙතින්  අහක් කර ගන්නට තාරුකාට අවස්තාව හොඳහැටි තිබුණි. එහෙත් තප්පර කීපයකට ඈගේ දේවින්ද  ඇස් හා ගැටී පැවතිනි.

මට මේ මොකද්ද වෙන්න යන්නේ… තමාගේ පපුවට පහරක් වදිනවා වගේ හැගීමක් දේවින්දට දැනුනේය.

මට මේ මොකද්ද වෙන්න යන්නේ… තමාගේ පපුවට පහරක් වදිනවා වගේ හැගීමක් තාරුකාටත්  දැනුනේය.