සොඳුරු පේරාදෙනි සරසවියට පෑයූ තාරකාවක අන්දරය කොටස් වශයෙන් පල වන නව කතාවක් ලෙසින්...

https://www.facebook.com/sarasavisamaga

Saturday, July 5, 2014

13 වන කොටස : රන් වන් රන් වන් මගේ රන් කිකිලී ...

12. දොලොස් වන කොටස : ආයාචනා
http://sarasavisamaga.blogspot.com/2014/06/12.html
 
කෑම අවසානයේ ගැහැණු ළමයින් සය දෙනා අත සෝදාගෙන පැමිණ නැවත දේවින්ද  ළඟ වාඩිවිය.

අනේ මන් කියපුදේ දේවින්ද අයියා ඇහුවානේ... කෙල්ලගේ සිතේ මල් පිපිලාය...

දිලිසෙන ඇස් ඇති  කෙල්ල "දේවින්ද අයියා" කියා ඔහු ඇමතීම ගැන දේවින්ද ගේ සිත කලබලයට පත් වෙලාය. එවැනි වෙලාවට ටිකක් නිවී සැනසිල්ලේ කල්පනා කල යුතුය.

කුඩා කල දී ඇත අකුරු නිසි ලෙස ලිවීම පුරුදුවීමට Crown කොපි පොතේ වාක්‍ය පිටපත් කල අයුරු ඔබට මතකද? සරසවි ගිය පසු ද නවකයෙකු නම් කොපි ලිවීම අත්හැරිය නොහැකිය.
ගෑනු ළමයින් ටිකට කොපි ලිවීමේ අභ්‍යාසයක් දුන්නොත්, ටිකක් සැනසිල්ලේ සිටිය හැකි බව දෙවින්දට සිතුනේය.

කොලයක්  අරගෙන කොපි ලිවීම පටන් ගනිල්ලා” යි පැවසූ ඔහු  සියල්ලන්ටම කොපි ලිවීමට පළමු වැකියකීමට කට ගත්තා පමනි.  

"මම ජෙෂ්ට උත්තමයා සමග අනියම් සම්බන්දතාවයකට කැමතිය" කියලා විසි පාරක් ලියපන්...... මහ හඬින් එසේ පවසමින් එතැනට කඩා පත් වූයේ දේවින්ද ගේ රූමා වූ අතුලය..

දෙවින්ද පෙරදින රාත්‍රී ආහාර ගත්තේ අතුල සමගය.

දිවා කාලයේ දී "ඉබි වල" ට සිදු වූ දේ ගැන දැන ගැනීමට අතුලට  උවමනාව විය.

ඔහු දේවින්දව වාචික පරීක්ශනයකට ලක් කලේ එහෙයිනි. වසන්ත ගෙන් දැරියන් කඩා ගැනීම සඳහා දෙවින්ද බාවිතා කල අනියම් සම්බන්දතාවය යන වචන භාවිතය අතුලට නැගලා ගියේය. දැරියන් ගේ කොපි ලිවීමේ මාතෘකාව පහල වූයේ එහෙමය.

දැරියන් කොපි ලියති.... දේවින්ද අතුලත් සමග කතා බහ කරමින් සැනසිල්ලේ කෑම කෑවේය. කෑමෙන් පසු අතුල නැවතත් ආ ලෙසින් ම අතුරුදහන් විය.

පැය භාගයකට පමණ පසුව ගෑනු ළමුන්ට ඔවුන්ගේ ප්‍රායෝගික පන්තියට කාලය ලඟාවිය. දේවින්ද කොපි ලියූ කොළ එකතු කර ගත්තේය.

මම ලිව්ව කොපි හොඳට කියවන්න දේවින්ද අයියා .... කෙලින්ම ඔහුට කියන්න පුළුවන් නම්.... කෙල්ලට සිතුනේය.

ඔයාට ගොඩාක් ඉස්තුතියි දේවින්ද අයියා... කෙල්ලට කියන්නට හොඳටම ඕනෑකම ඇත, එහෙත් ඉඩක් නැත...

කෙසේ වුවත් පණිවිඩය හුවමාරු විය.. ඒ කෙල්ල ගේ ඇස් ඔහුට කතා කල හෙයිනි.

පෙර දා මෙන්ම, තාරුකා  ඔහු වෙතින් ඉවතට ගියේ අන්තිමටය. පෙර දා මෙන් ම ඈ මද වෙලාවකින් ආපසු හැරී ඔහු  දෙස බලා සිනාවක් පෑවාය.

ඒ දිලිසෙන ඇස්...


*********************
එදා තාරුකාලාට නියමිතව තිබුනේ ජයිවරසායනයේ අති ප්‍රසිද්ද "චූ ප්‍රැක්ටිකල්" හෙවත් මුත්‍රා පරීක්ශනයයි.
පන්තිය පටන් ගැනීමේදීම සෑම සිසු සිසුවියෙකුටම ප්ලාස්ටික් බෝතලය බැගින් ලැබේ.
සියලු දෙනාම වසිකිලිය වෙත ගොසින් තම මුත්‍රා ටිකක් එම බෝතලයට රැගෙන ආ යුතුය.
ඉන් පසු රසායනාගාරයේදී තම මුත්‍රා නියැදිය සාමාන්‍ය සාම්පලය ලෙසින්ද, පේරාදෙනිය රෝහලෙන් සපයා දී තිබෙන විවිද රෝගීන් ගේ මුත්‍රා සාම්පල ටෙස්ට් සාම්පලය ලෙසද සලකා සියලු අන්දමේ පරීක්ශන කරමින් අධ්යයනය කිරීම "චූ ප්‍රැක්ටිකල්" ලෙසින් ජනප්‍රිය වහරේ පවතී.
ප්ලාස්ටික් බෝතල අතින්ගෙන වැසිකිලි පෝලිමේ ඉන්නා නවකයන් හට අසබ්ය කතා කියමින් ගොන් පාර්ට් දැමීමත් "චූ ප්‍රැක්ටිකල්" එක තරම් ම ප්‍රසිද්දය.


ලහි ලහියේ ජයිවරසායන පන්තියට ගිය නුවර කඩේ දැරියන් ප්ලාස්ටික් බෝතල රැගෙන ලජ්ජාවෙන් කාන්තා පොදුකාමරය වෙත පෝලිමේ යනවාත්, චානක ගමගේ
ප්‍රමුක වදකයෝ ඔවුන් පසු පස ගොසින් විකාර කරනවාත් දේවින්ද දුටුවේය
...

 

**************************


දැරියන් කොපි ලියූ කොළ හය දේවින්ද  අතේය. සමහර කොපි ලස්සන වටකුරු අත් අකුරුය. සමහර කොපි කැත කුරුමිණි අඩුය.

අන්තිම කොපි කොලය සැමටම වඩා වෙනස්ය. ලස්සන අත් අකුරුය. කොනක "තාරුකා" යි නම ලියා තිබුණි.


තාරුකා ගේ කොපි කියවන විට පපුව ටිකක් හිර වනවා දේවින්ද ට දැනුනි...

වාක්‍ය දහනමයක් හරියටම කොපි ලියා තිබුණි. විසිවෙනි වාක්‍යයේ  පමනක් "සමග අනියම් සම්බන්දතාවයකට" යන වදන් හැලී තිබුණි. තාරුකා ලියා තිබුනේ  " මම ජෙෂ්ට උත්තමයාට කැමතිය" කියාය . ඉහල ගත හුස්ම පහල දමන්නට දෙවින්දට අමතක වුයේය!

"කන්දෙන් පාවී ලන්දට බසිනා, …

රන් වන් රන් වන් මගේ රන් කිකිලී, ...

රන් වන් රන් වන් රන් කිකිලී"..... කැන්ටිමේ ගුවන් විදුලිය සින්දු කියයි....

8 comments:

  1. ආ..දැන් තමයි හොඳම හරිය ...

    මතු සම්බන්දයි වීම කලින් වැඩිද මන්ද. හැබැයි වෙලාවටම වගේ නවත්තල තියෙනවා.

    ReplyDelete
    Replies
    1. හොඳ හොඳ කෑලි තව ඉස්සරහට..... රැඳී සිටින්න ජාතකයක් නැති නාලිකාව වන අප සමගම .... හිකීස්

      Delete
  2. ෂාහ් ෆිල්ම් එකක් බලනවා වගේනෙ.

    ReplyDelete
    Replies
    1. ත්‍රාසය බීතිය සමග හොඳ හොඳ සින්දු කෑලි...... :)

      Delete
  3. මලා...
    දේවින්දයට හුස්ම හිර වෙලා මැරුණද දන්නෑ...

    ජයිවරසායනය නොව
    ජෛව රසායනයයි...
    වචන දෙකකි..
    අකුරුද වැරදිය

    ReplyDelete
    Replies
    1. එසේය මහ රජ...

      මම සින්හල කොටනා http://sinhalaunicode.gishan.net/write එකෙන් මෙම වදන ගන්නට ඉතා අමාරුය... නිවැරදි වචනය දුන්නාට ස්තූතිය...

      හැබැයි ජෛවරසායනයය එක වදනකි (Biochemistry). හාපර් මහත්තයා සහ ලිපින්කොට් මහත්තයා තරම්ම් ම් නොවුනත් මමත් ඔය විශය ගැන ටිකක් දනිමි....

      මහාචාර්ය Toma සහ මහාචාර්ය PAJ තරම්ම නොවුනත් මමත් ඔය රසායනය අන්ඩර දී තිබෙමි.

      Delete
  4. අද කතාව ඉවරකරලා තියෙන විදිහ නම් මරු. ලස්සන සිංදුවකින්ම.මඩවල එස් රත්නායක ලියු තාමත් අහන රසබර ගීතයක්.

    ReplyDelete
    Replies
    1. අපි සිසුවන් වෙලා හිටි කාලේ මේ සින්දුව ගායනා නොවුනු කිසිම උත්සවයක් මට නම් මතක නැහැ.... අපි මේ ගීතයට එතරම් ආදරෙයි...

      Delete